Dil Shahjahanpuri

aarzu lutf talab ishq sarasar nakam
mubtala zindagi-e-dil inhin auham men hai

main gharq ho raha tha ki tufan-e-ishq ne
ik mauj-e-be-qarar ko sahil bana diya

shabab Dhalte hi aa.i piiri ma.aal par ab nazar hui hai
baDi hi ghaflat men shab guzari kahan pahunch kar sahar hui hai

kya jaane kis khayal se chhoDa pa hal-e-zar
mujh par baDa karam hai mire charasaz ka

mai-e-kausar ka asar chashm-e-siyah-fam men hai
saqi-e-mast ajab kaif tire jaam men hai

aghaz-e-mohabbat se anjam-e-mohabbat tak
guzra hai jo kuchh ham par tum ne bhi suna hoga

ham ko bechain kiye jaate hain
haae kyaa shai vo liye jaate hain

ye bhigi raat ye ThanDaa samaan ye kaif-e-bahaar
ye koi vaqt hai pahlu se uTh ke jaane kaa

vaqt-e-rukhsat tasalliyaan de kar
aur bhi tum ne be-qaraar kiyaa

mai-e-kausar kaa asar chashm-e-siyah-faam mein hai
saaqi-e-mast ajab kaif tire jaam mein hai

aaghaaz-e-mohabbat se anjaam-e-mohabbat tak
guzraa hai jo kuchh ham par tum ne bhi sunaa hogaa

main gharq ho rahaa thaa ki tufaan-e-ishq ne
ik mauj-e-be-qaraar ko saahil banaa diyaa