mai-e-kausar kaa asar chashm-e-siyah-faam mein hai — Dil Shahjahanpuri

ham ko bechain kiye jaate hain
haae kyaa shai vo liye jaate hain

ye bhigi raat ye ThanDaa samaan ye kaif-e-bahaar
ye koi vaqt hai pahlu se uTh ke jaane kaa

vaqt-e-rukhsat tasalliyaan de kar
aur bhi tum ne be-qaraar kiyaa

aaghaaz-e-mohabbat se anjaam-e-mohabbat tak
guzraa hai jo kuchh ham par tum ne bhi sunaa hogaa

main gharq ho rahaa thaa ki tufaan-e-ishq ne
ik mauj-e-be-qaraar ko saahil banaa diyaa

kyaa jaane kis khayaal se chhoDaa pa haal-e-zaar
mujh par baDaa karam hai mire chaarasaaz kaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

na gharaz mujh ko hai kaafir se na din-daar se kaam
roz-o-shab hai mujhe us kaakul-e-khamdaar se kaam

uThe uTh kar chale chal kar thame tham kar kahaa hogaa
main kyuun jaaun bahut hain un ki haalat dekhne vaale

ilaahi kyaa ilaaqa hai vo jab letaa hai angDaai
mire siine mein sab zakhmon ke Taanke TuuT jaate hain

kaun is rang se jaame se huaa thaa baahar
kis se sikhaa tiri talvaar ne uryaan honaa