aaghaaz-e-mohabbat se anjaam-e-mohabbat tak — Dil Shahjahanpuri

ham ko bechain kiye jaate hain
haae kyaa shai vo liye jaate hain

ye bhigi raat ye ThanDaa samaan ye kaif-e-bahaar
ye koi vaqt hai pahlu se uTh ke jaane kaa

vaqt-e-rukhsat tasalliyaan de kar
aur bhi tum ne be-qaraar kiyaa

mai-e-kausar kaa asar chashm-e-siyah-faam mein hai
saaqi-e-mast ajab kaif tire jaam mein hai

main gharq ho rahaa thaa ki tufaan-e-ishq ne
ik mauj-e-be-qaraar ko saahil banaa diyaa

kyaa jaane kis khayaal se chhoDaa pa haal-e-zaar
mujh par baDaa karam hai mire chaarasaaz kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

jis ki havas ke vaaste duniyaa hui aziiz
vaapas hue to us ki mohabbat khafaa mili

log kahte hain mohabbat mein asar hotaa hai
kaun se shahr mein hotaa hai kidhar hotaa hai

baal apne baDhaate hain kis vaaste divaane
kyaa shahr-e-mohabbat mein hajjaam nahin hotaa

apne dushman ko bhi mohabbat de
ishq ke daaere ko vusat de