jo talab pe ahd-e-vafā kiyā to vo ābrū-e-vafā ga.ī — Faiz Ahmad Faiz

dil nā-umīd to nahīñ nākām hī to hai
lambī hai ġham kī shaam magar shaam hī to hai

mirī jaan aaj kā ġham na kar ki na jaane kātib-e-vaqt ne
kisī apne kal meñ bhī bhuul kar kahīñ likh rakhī hoñ masarrateñ

''aap kī yaad aatī rahī raat bhar''
chāñdnī dil dukhātī rahī raat bhar

ye daaġh daaġh ujālā ye shab-gazīda sahar
vo intizār thā jis kā ye vo sahar to nahīñ

jo nafas thā ḳhār-e-gulū banā jo uThe the haath lahū hue
vo nashāt-e-āh-e-sahr ga.ī vo vaqār-e-dast-e-duā gayā

haañ nukta-varo laao lab-o-dil kī gavāhī
haañ naġhmagaro sāz-e-sadā kyuuñ nahīñ dete

DhūñD ujḌe hue logoñ meñ vafā ke motī
ye ḳhazāne tujhe mumkin hai ḳharāboñ meñ mileñ

rahegā saath tirā pyaar zindagī ban kar
ye aur baat mirī zindagī vafā na kare

maiñ ne chāhā thā ki andoh-e-vafā se chhūTūñ
vo sitamgar mire marne pe bhī raazī na huā

kī vafā ham se to ġhair is ko jafā kahte haiñ
hotī aa.ī hai ki achchhoñ ko burā kahte haiñ

lo phir tire laboñ pe usī bevafā kā zikr
ahmad 'farāz' tujh se kahā na bahut huā

phir usī bevafā pe marte haiñ
phir vahī zindagī hamārī hai