DhūñD ujḌe hue logoñ meñ vafā ke motī — Ahmad Faraz

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

tum takalluf ko bhī iḳhlās samajhte ho 'farāz'
dost hotā nahīñ har haath milāne vaalā

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

rahegā saath tirā pyaar zindagī ban kar
ye aur baat mirī zindagī vafā na kare

maiñ ne chāhā thā ki andoh-e-vafā se chhūTūñ
vo sitamgar mire marne pe bhī raazī na huā

kī vafā ham se to ġhair is ko jafā kahte haiñ
hotī aa.ī hai ki achchhoñ ko burā kahte haiñ

jo talab pe ahd-e-vafā kiyā to vo ābrū-e-vafā ga.ī
sar-e-ām jab hue mudda.ī to savāb-e-sidq-o-vafā gayā

phir usī bevafā pe marte haiñ
phir vahī zindagī hamārī hai

us bevafā ne ham ko agar apne ishq meñ
rusvā kiyā ḳharāb kiyā phir kisī ko kyā