ufuq pe yaadon ke zard aanchal mein lipTaa suraj — Farah Iqbal

vo sard raaton mein aansuon ke charaagh raushan
aur un charaaghon ki lau mein jalti 'ajib si chup

mere khvaabon ke jharokon ko sajaate rahiye
na sahi vasl magar yaad to aate rahiye

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ek shoala saa uThaa thaa dil mein
jaane kis ki thi sadaa yaad nahin