ek shoala saa uThaa thaa dil mein — Sufi Ghulam Mustafa Tabassum

ik faqat yaad hai jaanaa un kaa
aur kuchh is ke sivaa yaad nahin

jaane kis ki thi khataa yaad nahin
ham hue kaise judaa yaad nahin

main tohfa le ke aayaa huun tamannaaon ke phulon kaa
luTaane ko bahaar-e-zindagaani le ke aayaa huun

dilon kaa zikr hi kyaa hai milein milein na milein
nazar milaao nazar se nazar ki baat karo

sau baar chaman mahkaa sau baar bahaar aai
duniyaa ki vahi raunaq dil ki vahi tanhaai

kaun kis kaa gham khaae kaun kis ko bahlaae
teri be-kasi tanhaa mary bebasi tanhaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

aansuon mein mire kaandhe ko Dubone vaale
puchh to le ki mire jism kaa sahraa hai kahaan

ye risaala ishq kaa hai adaq tire ghaur karne kaa hai sabaq
kabhi dekh is ko varaq varaq miraa siina gham ki kitaab hai

ushshaaq jo tasavvur-e-barzakh ke ho gae
aati hai dam-ba-dam ye unhin ko sadaa-e-qalb