jise bhi dost banaayaa vo ban gayaa dushman — Farhat Abbas

zalzalon ki numud se 'farhat'
mustaqar mustaqar nahin rahte

tum use le chalo lab-e-kausar
ai farishto ye karbalaai hai

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

haar jaaegi zindagi lekin
haarne kaa nahin miraa ye ishq

baat ahl-e-junun ki kyaa samjhe
vo khirad jo kaDe ziyaan mein hai

jab ki pahlu se yaar uThtaa hai
dard be-ikhtiyaar uThtaa hai

hadis-e-yaar ke unvaan nikharne lagte hain
to har harim mein gesu sanvarne lagte hain

vo meraa dost hai saare jahaan ko hai maalum
daghaa kare vo kisi se to sharm aae mujhe

suukh gai jab aankhon mein pyaar ki niili jhiil 'qatil'
tere dard kaa zard samundar kaahe shor machaaegaa

dushmani mujh se kiye jaa magar apnaa ban kar
jaan le le miri sayyaad magar pyaar ke saath

ye kahaan ki dosti hai ki bane hain dost naaseh
koi chaarasaaz hotaa koi gham-gusaar hotaa