vo meraa dost hai saare jahaan ko hai maalum — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

jab ki pahlu se yaar uThtaa hai
dard be-ikhtiyaar uThtaa hai

saadgi o purkaari be-khudi o hushyaari
husn ko taghaaful mein jurat-aazmaa paayaa

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

ham ko yaaron ne yaad bhi na rakhaa
'jaun' yaaron ke yaar the ham to

itnaa batlaa mujhe harjaai huun main yaar ki tu
main har ik shakhs se rakhtaa huun sarokaar ki tu

jis ghaDi ghurte ho ghussa se
nikle paDtaa hai pyaar aankhon mein