tere saanche mein Dhal gayaa aakhir — Farhat Abbas

zalzalon ki numud se 'farhat'
mustaqar mustaqar nahin rahte

tum use le chalo lab-e-kausar
ai farishto ye karbalaai hai

donon laazim hain laa-zavaal bhi hain
ik tiraa husn ik miraa ye ishq

jise bhi dost banaayaa vo ban gayaa dushman
ye ham ne kaun si taqsir ki sazaa paai

haar jaaegi zindagi lekin
haarne kaa nahin miraa ye ishq

baat ahl-e-junun ki kyaa samjhe
vo khirad jo kaDe ziyaan mein hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil-sahraa mein ret sadaa uDti rahti hai
kab is se taa'mir koi darpan kartaa hai

dil-e-betaab ke hamraah safar mein rahnaa
ham ne dekhaa hi nahin chain se ghar mein rahnaa

hue na aaj talak ham shumaar zindon mein
har ik libaas badan kaa badal ke dekh liyaa

mujh se kaafir ko tire ishq ne yuun sharmaayaa
dil tujhe dekh ke dhaDkaa to khudaa yaad aaya