ik nazar ne kiyaa hai kaam tamaam — George Puech Shor

ruke hai aamad-o-shud mein nafas nahin chaltaa
yahi hai hukm-e-ilaahi to bas nahin chaltaa

— George Puech Shor

jahaan mein zar kaa hai kaarkhaana na koi apnaa na hai yagaana
talaash-e-daulat mein hai zamaana khudaa hi haafiz hai muflisi kaa

— George Puech Shor

duur ham se hain vo to kyaa Dar hai
paas hai apne aarsi dil ki

— George Puech Shor

adam se hasti mein jab ham aae na koi hamdard saath laae
jo apne the vo hue paraae ab aasraa hai to bekasi kaa

— George Puech Shor

hai talaash-e-do-jahaan lekin khabar apni kise
jite-ji tak justuju sab kuchh hai aur phir kuchh nahin

— George Puech Shor

us maah-ru pe aankh kisi ki na paD saki
jalva thaa tuur kaa ki saraasar vo nuur thaa

— George Puech Shor

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia