main us ke jhuuT ko bhi sach samajh ke suntaa huun — Ghazanfar

kal tak jo shaffaaf the chehre aavaazon se khaali the
aaDi-tirchhi surkh lakirein un par bhi ab dekhoge

— Ghazanfar

hamaare haath se vo bhi nikal gayaa aakhir
ki jis khayaal mein ham muddaton se khoe the

— Ghazanfar

rafta rafta aankhon ko hairaani de kar jaaegaa
khvaabon kaa ye shauq hamein viraani de kar jaaegaa

— Ghazanfar

daftar mein zehn ghar pe nigah raaste mein paanv
jiine ki kaavishon mein badan haath se gayaa

— Ghazanfar

har ek raat kahin duur bhaag jaataa huun
har ek subh koi mujh ko khinch laataa hai

— Ghazanfar

na jaane kis tarah bistar mein ghus kar baiTh jaati hain
vo aavaazein jinhein ham roz baahar chhoD aate hain

— Ghazanfar

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam