kahte hain eid hai aaj apni bhi eid hoti — Ghulam Bhik Nairang

dard ulfat kaa na ho to zindagi kaa kyaa mazaa
aah-o-zaari zindagi hai be-qaraari zindagi

— Ghulam Bhik Nairang

aah! kal tak vo navaazish! aaj itni be-rukhi
kuchh to nisbat chaahiye anjaam ko aaghaaz se

— Ghulam Bhik Nairang

mere pahlu mein tum aao ye kahaan mere nasib
ye bhi kyaa kam hai tasavvur mein to aa jaate ho

— Ghulam Bhik Nairang

naaz ne phir kiyaa aaghaaz vo andaaz-e-niyaaz
husn-e-jaan-soz ko phir soz kaa daavaa hai vahi

— Ghulam Bhik Nairang

mahv-e-did-e-chaman-e-shauq hai phir dida-e-shauq
gul-e-shaadaab vahi bulbul-e-shaidaa hai vahi

— Ghulam Bhik Nairang

daana-o-daam sambhaalaa mire sayyaad ne phir
apni gardan hai vahi ishq kaa phandaa hai vahi

— Ghulam Bhik Nairang

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi