mahv-e-did-e-chaman-e-shauq hai phir dida-e-shauq — Ghulam Bhik Nairang

kahte hain eid hai aaj apni bhi eid hoti
ham ko agar mayassar jaanaan ki diid hoti

dard ulfat kaa na ho to zindagi kaa kyaa mazaa
aah-o-zaari zindagi hai be-qaraari zindagi

aah! kal tak vo navaazish! aaj itni be-rukhi
kuchh to nisbat chaahiye anjaam ko aaghaaz se

mere pahlu mein tum aao ye kahaan mere nasib
ye bhi kyaa kam hai tasavvur mein to aa jaate ho

naaz ne phir kiyaa aaghaaz vo andaaz-e-niyaaz
husn-e-jaan-soz ko phir soz kaa daavaa hai vahi

daana-o-daam sambhaalaa mire sayyaad ne phir
apni gardan hai vahi ishq kaa phandaa hai vahi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

gulaabon ke honTon pe lab rakh rahaa huun
use der tak sochnaa chaahtaa huun

gul kiyaa jis ne vo thaa aur magar
shama ne shikva havaaon se kiyaa

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan