saaghar nahin ki jhuum ke uTThe uThaa liyaa — Hosh Jaunpuri

aane vaale daur mein jo paaegaa paighambari
meraa chehra meraa dil meri zabaan le jaaegaa

— Hosh Jaunpuri

mere hi paanv mire sab se baDe dushman hain
jab bhi uThte hain usi dar ki taraf jaate hain

— Hosh Jaunpuri

khudaa badal na sakaa aadmi ko aaj bhi 'hosh'
aur ab tak aadmi ne saikDon khudaa badle

— Hosh Jaunpuri

miTTi mein kitne phuul paDe sukhte rahe
rangin pattharon se bahaltaa rahaa huun main

— Hosh Jaunpuri

divaar un ke ghar ki miri dhuup le gai
ye baat bhulne mein zamaana lagaa mujhe

— Hosh Jaunpuri

jaane kis kis kaa galaa kaTtaa pas-e-parda-e-ishq
khul gae meri shahaadat mein sitamgar kitne

— Hosh Jaunpuri

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz