khaamosh khaDaa huun main dar-e-khvaab se baahar — Inam Nadeem

bujh jaaegaa ik roz tiri yaad kaa shola
lekin mire siine mein dhuaan yuun hi rahegaa

— Inam Nadeem

ye mohabbat bhi ek neki hai
is ko dariyaa mein Daal aate hain

— Inam Nadeem

apni hi ravaani mein bahtaa nazar aataa hai
ye shahr bulandi se dariyaa nazar aataa hai

— Inam Nadeem

jiye garche isi duniyaa mein ham bhi
magar duniyaa hamaari aur hi thi

— Inam Nadeem

pukaarte the mujhe aasmaan magar main ne
qayaam karne ko ye khaak-daan pasand kiyaa

— Inam Nadeem

ham Thahre raheinge kisi taabir ko thaame
aankhon mein koi khvaab ravaan yuun hi rahegaa

— Inam Nadeem

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

ye san kar meri nindein uD gai hain
koi meraa bhi sapnaa dekhtaa hai

— Mahtab Alam