bujh jaaegaa ik roz tiri yaad kaa shola — Inam Nadeem

ye mohabbat bhi ek neki hai
is ko dariyaa mein Daal aate hain

apni hi ravaani mein bahtaa nazar aataa hai
ye shahr bulandi se dariyaa nazar aataa hai

jiye garche isi duniyaa mein ham bhi
magar duniyaa hamaari aur hi thi

pukaarte the mujhe aasmaan magar main ne
qayaam karne ko ye khaak-daan pasand kiyaa

ek lamha lauT kar aayaa nahin
ye baras bhi raaegaan rukhsat huaa

ham Thahre raheinge kisi taabir ko thaame
aankhon mein koi khvaab ravaan yuun hi rahegaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

sun ke rudaad-e-alam meri vo hans kar bole
aur bhi koi fasaana hai tumhein yaad ki bas

mayassar se ziyaada chaahtaa hai
samundar jaise dariyaa chaahtaa hai

main tujhe bhuul na paayaa to ye chaahat hai miri
yaad rakkhaa hai jo tu ne tiraa ehsaan jaanaan

aankhon ne aansuon kaa tabarruk luTaa diyaa
dil ke mazaar par tiri yaadon kaa ‘urs hai