apni hi ravaani mein bahtaa nazar aataa hai — Inam Nadeem

bujh jaaegaa ik roz tiri yaad kaa shola
lekin mire siine mein dhuaan yuun hi rahegaa

ye mohabbat bhi ek neki hai
is ko dariyaa mein Daal aate hain

jiye garche isi duniyaa mein ham bhi
magar duniyaa hamaari aur hi thi

pukaarte the mujhe aasmaan magar main ne
qayaam karne ko ye khaak-daan pasand kiyaa

ek lamha lauT kar aayaa nahin
ye baras bhi raaegaan rukhsat huaa

ham Thahre raheinge kisi taabir ko thaame
aankhon mein koi khvaab ravaan yuun hi rahegaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

dil vo parvat ki jo ik samt jhukaa jaataa hai
gham vo dariyaa ki jo rahtaa hai ravaan ek taraf

banaataa huun main tasavvur mein us kaa chehra magar
har ek baar nai kaaenaat banti hai

hamein to TuuTi hui kashtiyaan nahin dikhtin
hamaare ghar se hi dariyaa dikhaai detaa hai

kyon bhalaa kachche makaanon kaa tumhein aayaa khayaal
tum to dariyaa the tumhein tez guzar jaanaa thaa

tum ne to kahaa thaa ki chalo Duub marein ham
ab saahil-e-dariyaa pe khaDe karte ho Taa-Taa