daryaaft kar ke khud ko zamaane se duur huun — Ishrat Qadri

yuun zindagi guzar rahi hai meri
jo un ki hai vahi khushi hai meri

— Ishrat Qadri

ik saaya sharmaataa lajaataa raah mein tanhaa chhoD gayaa
main parchhaain DhunD rahaa huun TuuTi hui divaaron par

— Ishrat Qadri

in andheron se pare is shab-e-gham se aage
ik nai subh bhi hai shaam-e-alam se aage

— Ishrat Qadri

vo tere bichhaDne kaa samaan yaad jab aayaa
biite hue lamhon ko sisakte hue dekhaa

— Ishrat Qadri

kaun dekhegaa mujh mein ab chehra
aaina thaa bikhar gayaa huun main

— Ishrat Qadri

zaahiri shakl meri zinda hai
aur andar se mar gayaa huun main

— Ishrat Qadri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal