pesh to hogaa adaalat mein muqadmaa be-shak — Jagat Mohan Lal Ravan

hanse bhi roe bhi lekin na samjhe
khushi kyaa chiiz hai duniyaa mein gham kyaa

— Jagat Mohan Lal Ravan

yahi hasti isi hasti ke kuchh TuuTe hue rishte
vagarna aisaa parda mere un ke darmiyaan kyaa thaa

— Jagat Mohan Lal Ravan

saamne taarif ghibat mein gila
aap ke dil ki safaai dekh li

— Jagat Mohan Lal Ravan

abhi tak fasl-e-gul mein ik sadaa-e-dard aati hai
vahaan ki khaak se pahle jahaan thaa aashiyaan meraa

— Jagat Mohan Lal Ravan

kuchh iztiraab-e-ishq kaa aalam na puchhiye
bijli taDap rahi thi ki jaan is badan mein thi

— Jagat Mohan Lal Ravan

vo baada-nosh haqiqat hai is jahaan mein 'ravaan'
ki jhuum jaae falak gar use khumaar aae

— Jagat Mohan Lal Ravan

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq