kuchh iztiraab-e-ishq kaa aalam na puchhiye — Jagat Mohan Lal Ravan

hanse bhi roe bhi lekin na samjhe
khushi kyaa chiiz hai duniyaa mein gham kyaa

— Jagat Mohan Lal Ravan

yahi hasti isi hasti ke kuchh TuuTe hue rishte
vagarna aisaa parda mere un ke darmiyaan kyaa thaa

— Jagat Mohan Lal Ravan

pesh to hogaa adaalat mein muqadmaa be-shak
jurm qaatil hi ke sar ho ye zaruri to nahin

— Jagat Mohan Lal Ravan

saamne taarif ghibat mein gila
aap ke dil ki safaai dekh li

— Jagat Mohan Lal Ravan

abhi tak fasl-e-gul mein ik sadaa-e-dard aati hai
vahaan ki khaak se pahle jahaan thaa aashiyaan meraa

— Jagat Mohan Lal Ravan

vo baada-nosh haqiqat hai is jahaan mein 'ravaan'
ki jhuum jaae falak gar use khumaar aae

— Jagat Mohan Lal Ravan

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

husn jalva dikhaa gayaa apnaa
ishq baiThaa rahaa udaas kahin

— Saifuddin Saif