hui thi ik khataa sarzad so us ko muddatein guzrin — Jagdish Sahay Saxena

ranj o alam kaa lutf uThaane ke vaaste
raahat se bhi nibaah kiye jaa rahaa huun main

hai ye taqdir ki khubi ki nigaah-e-mushtaaq
pardaa ban jaae agar parda-nashin tak pahunche

ulfat ki thiin dalil tiri bad-gumaaniyaan
ab bad-gumaan main huun ki tu bad-gumaan nahin

hujum-e-ranj-o-gham ne is qadar mujh ko rulaayaa hai
ki ab raahat ki surat mujh se pahchaani nahin jaati

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

tire kalaam ne kaisaa asar kiyaa vaaiz
ki dil ziyaada-tar aavaara ho gayaa vaaiz

bu-e-gul naala-e-dil dud-e-charaagh-e-mahfil
jo tiri bazm se niklaa so pareshaan niklaa

be-niyaazi had se guzri banda-parvar kab talak
ham kaheinge haal-e-dil aur aap farmaaveinge kyaa