ek muddat se na qaasid hai na khat hai na payaam — Jalal Manikpuri

aaj tak dil ki aarzu hai vahi
phuul murjhaa gayaa hai bu hai vahi

kah dein tum se kaun hain, kyaa hain, kahaan rahte hain ham
be-khudon ko apne jab tum hosh mein aane to do

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

phir mujhe dida-e-tar yaad aayaa
dil jigar tishna-e-fariyaad aayaa

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai