aaj tak dil ki aarzu hai vahi — Jalal Manikpuri

ek muddat se na qaasid hai na khat hai na payaam
apne vaade ko to kar yaad mujhe yaad na kar

kah dein tum se kaun hain, kyaa hain, kahaan rahte hain ham
be-khudon ko apne jab tum hosh mein aane to do

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

chaand ne taan li hai chaadar-e-abr
ab vo kapDe badal rahi hogi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

apnaa shahkaar abhi ai mire but-gar na banaa
dil dhaDaktaa hai miraa tu mujhe patthar na banaa