TimTimaate rahein bujhti hui yaadon ke charaagh — Jameel Naqvi

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

sataati hai tumhaari yaad jab mujh ko shab-e-hijraan
mujhe khud apni hasti ajnabi maalum hoti hai

sazaa-e-maut pe fariyaad se to behtar hai
gale lagaa ke kahun daar ko mubaarak baad

ujli ujli khvaahishon par niind ki chaadar na Daal
yaad ke rauzan se kuchh taaza havaa bhi aaegi

maktab-e-ishq kaa dastur niraalaa dekhaa
us ko chhuTTi na mile jis ko sabaq yaad rahe