fazaaein chup hain kuchh aisi ki dard boltaa hai — Khatir Ghaznavi

insaan huun ghir gayaa huun zamin ke khudaaon mein
ab bastiyaan basaaungaa jaa kar khalaaon mein

— Khatir Ghaznavi

ek ek kar ke log nikal aae dhuup mein
jalne lage the jaise sabhi ghar ki chhaanv mein

— Khatir Ghaznavi

'khaatir' ab ahl-e-dil bhi bane hain zamaana-saaz
kis se karein vafaa ki talab apne shahr mein

— Khatir Ghaznavi

ye kaun chupke chupke uThaa aur chal diyaa
'khaatir' ye kis ne luuT liin mahfil ki dhaDkanein

— Khatir Ghaznavi

go zaraa si baat par barson ke yaaraane gae
lekin itnaa to huaa kuchh log pahchaane gae

— Khatir Ghaznavi

kaisi chali hai ab ke havaa tere shahr mein
bande bhi ho gae hain khudaa tere shahr mein

— Khatir Ghaznavi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi