ye kahnaa thaa un se mohabbat hai mujh ko — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

phuul kar le nibaah kaanTon se
aadmi hi na aadmi se mile

vo kaanTaa hai jo chubh kar TuuT jaae
mohabbat ki bas itni daastaan hai

dushmanon se pashemaan honaa paDaa hai
doston kaa khulus aazmaane ke baad

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

gham-e-ishq mein kaari davaa na duaa ye hai rog kaThin ye hai dard buraa
ham karte jo apne se ho saktaa kabhi ham se bhi kuchh na kahaa tum ne

ham se bhi piit ki baat karo kuchh ham se bhi logo pyaar karo
tum to pareshaan ho bhi sakoge ham ko yahaan pe davaam kahaan

maaal-e-izzat-e-saadaat-e-ishq dekh ke ham
badal gae to badalne pe itni hairat kyaa

khazaana-e-zar-o-gauhar pe khaak Daal ke rakh
ham ahl-e-mehr-o-mohabbat hain dil nikaal ke rakh