ukhDi baaton se us ki saabit hai — Kishan Kumaar Waqaar

aatishin husn kyuun dikhaate ho
dil hai aashiq kaa koh-e-tur nahin

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

ashk-e-hasrat hai aaj tufaan-khez
kashti-e-chashm ki tabaahi hai

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

bahut dinon se huun aamad kaa apni chashm-ba-raah
tumhaaraa le gayaa ai yaar intizaar kahaan

haath pistaan pe ghair kaa pahunchaa
aap bhi ab hue anaar-farosh