aatishin husn kyuun dikhaate ho — Kishan Kumaar Waqaar

ukhDi baaton se us ki saabit hai
kuchh na kuchh aaj ghair jaD ke uThaa

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

ashk-e-hasrat hai aaj tufaan-khez
kashti-e-chashm ki tabaahi hai

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

bahut dinon se huun aamad kaa apni chashm-ba-raah
tumhaaraa le gayaa ai yaar intizaar kahaan

haath pistaan pe ghair kaa pahunchaa
aap bhi ab hue anaar-farosh

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil-e-aafat-zada kaa muddaaa kyaa
shikasta saaz kyaa us ki sadaa kyaa

dil ke dariyaa ne kinaaron se mohabbat kar li
tez bahtaa hai magar kam nahin hone paataa

lagaa ke ThaT hai har suunaa muraadi
tamannaa-e-dili nikle kidhar se

dekh ye jazb-e-mohabbat kaa karishma to nahin
kal jo tere dil mein thaa vo aaj mere dil mein hai