ashk-e-hasrat hai aaj tufaan-khez — Kishan Kumaar Waqaar

aatishin husn kyuun dikhaate ho
dil hai aashiq kaa koh-e-tur nahin

ukhDi baaton se us ki saabit hai
kuchh na kuchh aaj ghair jaD ke uThaa

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

bahut dinon se huun aamad kaa apni chashm-ba-raah
tumhaaraa le gayaa ai yaar intizaar kahaan

haath pistaan pe ghair kaa pahunchaa
aap bhi ab hue anaar-farosh

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

sunaa haal-e-dil-e-'majruh' shab ko
koi hasrat si hasrat thi bayaan mein

jaan hai to jahaan hai dil hai to aarzu bhi hai
ishq bhi ho rahegaa phir jaan abhi bachaaiye

kyaa gham jo hasraton ke diye bujh gae tamaam
daaghon se aaj ghar mein charaaghaan kareinge ham

kharaab-e-dahr na main khud huaa na tu ne kiyaa
jo kuchh kiyaa tire milne ki aarzu ne kiyaa

khud ko mumtaaz banaane ki dili-khvaahish mein
dushman-e-jaan se mili meri anaa saazish mein