bahut dinon se huun aamad kaa apni chashm-ba-raah — Kishan Kumaar Waqaar

aatishin husn kyuun dikhaate ho
dil hai aashiq kaa koh-e-tur nahin

ukhDi baaton se us ki saabit hai
kuchh na kuchh aaj ghair jaD ke uThaa

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

ashk-e-hasrat hai aaj tufaan-khez
kashti-e-chashm ki tabaahi hai

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

haath pistaan pe ghair kaa pahunchaa
aap bhi ab hue anaar-farosh

jab ki pahlu se yaar uThtaa hai
dard be-ikhtiyaar uThtaa hai

go zaraa si baat par barson ke yaaraane gae
lekin itnaa to huaa kuchh log pahchaane gae

chashm o rukhsaar ke azkaar ko jaari rakkho
pyaar ke naame ko doharaao ki kuchh raat kaTe

rahte the kabhi jin ke dil mein ham jaan se bhi pyaaron ki tarah
baiThe hain unhin ke kuche mein ham aaj gunahgaaron ki tarah

miyaan us shakhs se hoshiyaar rahnaa
sabhi se jhuk ke jo miltaa bahut hai

pyaar ki baatein kijiye saahab
lutf sohbat kaa guftugu se hai