yaad ke khushnumaa jaziron mein — Mah Talat Zahidi

har ek raat ke pahlu se din nikaltaa hai
vo log kaise sanvar jaaein jo tabaah nahin

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ujaaD ho bhi chukaa miraa dil magar abhi daaghdaar bhi hai
yahi khizaan thi bahaar-dushman jo yaadgaar-e-bahaar bhi hai

yaad ne un tang kuchon ki fazaa sahraa ki dekh
har qadam par jaan maari hai dil-e-naakaam ki

mere naghmaat ki taqdir na pahunche tujh tak
meri fariyaad ki qismat ki tujhe chhu aai

jabhi to umr se apni ziyaada lagtaa huun
baDaa hai mujh se kai saal tajraba meraa