kal vasl mein bhi niind na aai tamaam shab — Mamnoon Nizamuddin

ye na jaanaa the ki us mahfil mein dil rah jaaegaa
ham ye samjhe the chale aaeinge dam bhar dekh kar

khvaab mein bosa liyaa thaa raat ba-lab-e-naazuki
subh dam dekhaa to us ke honTh pe but-khaala thaa

koi hamdard na hamdam na yagaana apnaa
ru-ba-ru kis ke kahein ham ye fasaanaa apnaa

buraa maaniye mat mire dekhne se
tumhein haq ne aisaa banaayaa to dekhaa

tujhe naqsh-e-hasti miTaayaa to dekhaa
jo parda thaa haail uThaayaa to dekhaa

na ki ghamza ne jallaadi na un aankhon ne saffaaki
jise kahte hain dil apnaa vahi qaatil huaa jaan kaa

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

rah ke masjid mein kyaa hi ghabraayaa
raat kaaTi khudaa khudaa kar ke