raatein aish-o-ishrat ki din dukh dard musibat ke — Mela Ram Wafa

aalam hai tire partav-e-rukh se ye hamaaraa
hairat se hamein shams-o-qamar dekh rahe hain

— Mela Ram Wafa

din judaai kaa diyaa vasl ki shab ke badle
lene the ai falak-e-pir ye kab ke badle

— Mela Ram Wafa

itni tauhin na kar meri balaa-noshi ki
saaqiyaa mujh ko na de maap ke paimaane se

— Mela Ram Wafa

kahnaa hi miraa kyaa hai ki main kuchh nahin kahtaa
ye bhi tumhein dhokaa hai ki main kuchh nahin kahtaa

— Mela Ram Wafa

ik baar us ne mujh ko dekhaa thaa muskuraa kar
itni to hai haqiqat baaqi kahaaniyaan hain

— Mela Ram Wafa

go qayaamat se peshtar na hui
tum na aae to kyaa sahar na hui

— Mela Ram Wafa

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif