mat sahl hameñ jaano phirtā hai falak barsoñ — Mir Taqi Mir

bevafā.ī pe terī jī hai fidā
qahr hotā jo bā-vafā hotā

dil se shauq-e-ruḳh-e-nikū na gayā
jhāñknā-tāknā kabhū na gayā

kitnī bāteñ banā ke lā.ūñ lek
yaad rahtīñ tire huzūr nahīñ

shaam se kuchh bujhā sā rahtā huuñ
dil huā hai charāġh muflis kā

dikhā.ī diye yuuñ ki be-ḳhud kiyā
hameñ aap se bhī judā kar chale

us ke īfā-e-ahd tak na jiye
umr ne ham se bevafā.ī kī

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

band kar ke mirī āñkheñ vo sharārat se hañse
būjhe jaane kā maiñ har roz tamāshā dekhūñ

yuuñ to qadam qadam pe hai dīvār sāmne
koī na ho to ḳhud se ulajh jaanā chāhiye

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

ishrat-e-qatra hai dariyā meñ fanā ho jaanā
dard kā had se guzarnā hai davā ho jaanā

dil se miTnā tirī añgusht-e-hinā.ī kā ḳhayāl
ho gayā gosht se nāḳhun kā judā ho jaanā