bevafaai pe teri ji hai fidaa — Mir Taqi Mir

maarka garm to ho lene do khun-rezi kaa
pahle shamshir ke niche hamin jaa baiTheinge

jab ki pahlu se yaar uThtaa hai
dard be-ikhtiyaar uThtaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

kiyaa dard-o-gham ne mujhe naa-umid
ki majnun ko ye hi thiin bimaariyaan

ham be-khudaan-e-mahfil-e-tasvir ab gae
aainda ham se aap mein aayaa na jaaegaa

haath chaDh jaaiyo ai shaikh kisu ke na kabhu
launDe sab tere kharidaar hain maikhaane ke

vo kahte hain ye saari bevafaai hai mohabbat ki
na 'muztar' be-vafaa main huun na 'muztar' be-vafaa tum ho

tire aane kaa dhokaa saa rahaa hai
diyaa saa raat bhar jaltaa rahaa hai

ishq mein sachchaa thaa vo meri tarah
bevafaa to aazmaane se huaa

doston se dushmani aur dushmanon se dosti
be-muravvat bevafaa be-rahm ye kyaa Dhang hai

bos-o-kanaar ke liye ye sab fareb hain
izhaar-e-paak-baazi o zauq-e-nazar ghalat

mohabbat tu mat kar dil us bevafaa se
dil us bevafaa se mohabbat tu mat kar