ranjish hi sahi dil hi dukhaane ke liye aa — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aankh ko nam kiye baghair dil ko buraa kiye baghair
us ki gali se aa gae ham to sadaa kiye baghair

chubh rahaa thaa dil mein har dam kar rahaa thaa be-qaraar
ik aziyyat-naak pahlu jo miri raahat mein thaa

ye baadal gham ke mausam ke jo chhaT jaate to achchhaa thaa
ye phailaae hue manzar simaT jaate to achchhaa thaa

teraa khayaal teri tamannaa tak aa gayaa
main dil ko DhunDhtaa huaa duniyaa tak aa gayaa