aañkh se duur sahī dil se kahāñ jā.egā — Muneer Niyazi

agar hoñ kachche gharoñdoñ meñ aadmī ābād
to ek abr bhī sailāb ke barābar hai

raushnī aadhī idhar aadhī udhar
ik diyā rakkhā hai dīvāroñ ke biich

palaT sakūñ hī na aage hī baḌh sakūñ jis par
mujhe ye kaun se raste lagā gayā ik shaḳhs

mujhe kamāl-e-suḳhan se navāzne vaale
samā'atoñ ko bhī ab zauq-e-āshnā.ī de

koī aur to nahīñ hai pas-e-ḳhanjar-āzmā.ī
hamīñ qatl ho rahe haiñ hamīñ qatl kar rahe haiñ

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham

''aap kī yaad aatī rahī raat bhar''
chāñdnī dil dukhātī rahī raat bhar

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

maiñ ne majnūñ pe laḌakpan meñ 'asad'
sang uThāyā thā ki sar yaad aayā