koi sannaaTaa saa sannaaTaa hai — Nasir Zaidi

main be-hunar thaa magar sohbat-e-hunar mein rahaa
shuur bakhshaa hama-rang mahfilon ne mujhe

haan ye khataa hui thi ki ham uTh ke chal diye
tum ne bhi to palaT ke pukaaraa nahin hamein

dekhaa use to aankh se aansu nikal paDe
dariyaa agarche khushk thaa paani tahon mein thaa

vo yuun milaa hai ki jaise kabhi milaa hi na thaa
hamaari zaat pe jis ki inaayatein thiin bahut

ye kis maqaam pe tanhaai saunpte ho mujhe
ki ab to tark-e-tamannaa kaa hausla bhi nahin

raat sunsaan hai gali khaamosh
phir rahaa hai ik ajnabi khaamosh

yaarab kase hai naaqa har ghuncha is chaman kaa
raah-e-vafaa ko ham to masdud jaante hain

dil mein phir girye ne ik shor uThaayaa 'ghaalib'
aah jo qatra na niklaa thaa so tufaan niklaa

umr bhar kaa tu ne paimaan-e-vafaa baandhaa to kyaa
umr ko bhi to nahin hai paaedaari haae haae

ai ahl-e-vafaa khaak bane kaam tumhaaraa
aaghaaz bataa detaa hai anjaam tumhaaraa

pheink de khushk phuul yaadon ke
zid na kar tu bhi be-vafaa ho jaa

naakhudaa maujon ki is narm-khiraami pe na jaa
yahi maujein to badal jaati hain tufaanon mein