jab bhi lauTaa gaanv ke baazaar se — Nawab Ahsan

bikhre hue khvaabon ki vo tasvir hai shaayad
ab ye bhi nahin yaad kahaan us se milaa thaa

— Nawab Ahsan

khauf-o-dahshat se lab nahin khulte
varna qaatil miri nigaah mein hai

— Nawab Ahsan

ehsaas-e-tirgi thaa use raushni ke baad
is khauf se charaagh ki lau kaanpti rahi

— Nawab Ahsan

shab-e-firaaq ki tanhaaiyon mein teraa khayaal
mire vajud se kartaa rahaa judaa mujh ko

— Nawab Ahsan

us ne to chhinaa thaa mere jism se meraa libaas
jab pahan kar us ne dekhaa to qabaa Dhili mili

— Nawab Ahsan

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi