shab-e-firaaq ki tanhaaiyon mein teraa khayaal — Nawab Ahsan

bikhre hue khvaabon ki vo tasvir hai shaayad
ab ye bhi nahin yaad kahaan us se milaa thaa

khauf-o-dahshat se lab nahin khulte
varna qaatil miri nigaah mein hai

jab bhi lauTaa gaanv ke baazaar se
mujh ko sab bachchon ne dekhaa pyaar se

ehsaas-e-tirgi thaa use raushni ke baad
is khauf se charaagh ki lau kaanpti rahi

us ne to chhinaa thaa mere jism se meraa libaas
jab pahan kar us ne dekhaa to qabaa Dhili mili

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

koi rafiq baham hi na ho to kyaa kiije
kabhi kabhi tiraa gham hi na ho to kyaa kiije

na guftugu mein tasalli na khaamushi mein sadaa
suluk-e-dost kaa andaaz hi niraalaa hai

tu chale saath to aahaT bhi na aae apni
darmiyaan ham bhi na hon yuun tujhe tanhaa chaahein