khvaab kyaa thaa jo mire sar mein rahaa — Nazeer Qaisar

jab vo saath hotaa hai
ham akele hote hain

rang laai hai hasrat-e-taamir
gir rahi hain imaaratein kyaa kyaa

patthar hotaa jaataa huun
hansne do yaa rone do

nayaa libaas pahan kar bhi
duniyaa vahi puraani hai

bas ham donon zinda hain
baaqi duniyaa faani hai

yuun tujhe dekh ke chaunk uThti hain soi yaadein
jaise sannaaTe mein aavaaz lagaa de koi

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

qahr hai zahr hai aghyaar ko laanaa shab-e-vasl
aise aane se to behtar hai na aanaa shab-e-vasl

hamein khabar hai ki ham hain charaagh-e-aakhir-e-shab
hamaare baa'd andheraa nahin ujaalaa hai