vo har maqaam se pahle vo har maqaam ke baad — Qabil Ajmeri

rang-e-mahfil chaahtaa hai ik mukammal inqalaab
chand shamon ke bhaDakne se sahar hoti nahin

— Qabil Ajmeri

raasta hai ki kaTtaa jaataa hai
faasla hai ki kam nahin hotaa

— Qabil Ajmeri

ab ye aalam hai ki gham ki bhi khabar hoti nahin
ashk bah jaate hain lekin aankh tar hoti nahin

— Qabil Ajmeri

ham badalte hain rukh havaaon kaa
aae duniyaa hamaare saath chale

— Qabil Ajmeri

tum na maano magar haqiqat hai
ishq insaan ki zarurat hai

— Qabil Ajmeri

vaqt kartaa hai parvarish barson
haadisa ek dam nahin hotaa

— Qabil Ajmeri

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

qulqul-e-minaa sadaa naaqus ki shor-e-azaan
ThanDe ThanDe didani hai garmi-e-baazaar-e-subh

— Riyaz Khairabadi