har taraf zarf-e-vazu bharte hain zaahid hui subh — Qayem Chaandpuri

mai pi jo chaahe aatish-e-dozakh se tu najaat
jaltaa nahin vo uzv jo tar ho sharaab mein

kahtaa hai aaina ki hai tujh saa hi ek aur
baavar nahin to laa main tire ru-ba-ru karun

gandumi rang jo hai duniyaa mein
meri chhaati pe muung daltaa hai

iraad kar na paDh ke miraa khat ki ye tamaam
be-rabtiyaan hain samra-e-hangaam-e-ishtiyaaq

koi din aage bhi zaahid ajab zamaana thaa
har ik mohalle ki masjid sharaab-khaana thaa

TuuTaa jo kaaba kaun si ye jaa-e-gham hai shaikh
kuchh qasr-e-dil nahin ki banaayaa na jaaegaa

sahar hote hi jaise ret bhar jaati hai saanson mein
nasim-e-hijr tere zaaiqe achchhe nahin lagte

raushni tez karo chaand sitaaro apni
mujh ko manzil pe pahunchnaa hai sahar hone tak

chuDiyaan kyuun utaar diin tum ne
subhein kitni udaas rahti hain

uD chalaa vo ik judaa khaaka liye sar mein akelaa
subh kaa pahlaa parinda aasmaan bhar mein akelaa

kyaa khabar thi subh ho jaaegi tere nuur se
shaam se meraa charaagh-e-khaana rukhsat maangtaa

shafaq kaa rang sukun hai sahar ke chehre par
ki gesu-e-shab-e-gham be-qaraar hai ab tak