Imdad Ali Bahr

qaazi ko jo rind kuchh chaTa den
masjid ki baghal men mai-kada ho

mire qatl par tum ne biiDa uThaya
mire haath ka paan khaya to hota

kya hai mujhe dete ho gilauri
chune men kahin na sankhiya ho

yaar tak le na ga.e ashk baha kar ham ko
is ko bhi dekh liya dida-e-tar kuchh bhi nahin

mukhtar hain vo likkhen na likkhen javab-e-khat
sahab ko roz apna ariza report hai

abr-e-bahar ab bhi jachta nahin nazar men
kuchh ansuon ke qatre ab bhi hain chashm-e-tar men

sau fasaad ek ishq mein uTThe
boyaa ik tukhm uge hazaar darakht

mire baghair na ik-dam use qaraar aataa
zaraa bhi zabt jo mujh be-qaraar mein hotaa

mire qatl par tum ne biiDaa uThaayaa
mire haath kaa paan khaayaa to hotaa

na mohabbat hai dilon mein na hayaa aankhon mein
ye sanam tu ne banaae hain khudaayaa kaise

ham na kahte the hansi achchhi nahin
aa gai aakhir rukaavaT dekhiye

khush raho yaar agar ham se ho bezaar bahut
dil agar apnaa salaamat hai to dildaar bahut