'qutub' shah na de muj divaane ko pand — Quli Qutub Shah

karein taaqat ganvaa kar aabidaan mai-khaana kuun sajda
kyaa zunnaar mein tasbih dekhan ru-e-zebaaraa

nabi sadqe kutub shah dil mein kiitaa
mohabbat haidar-e-karraar ehdaas

piyaa ki yaad suun piitaa huun main mai
hamaaraa haal kyaa jaaneinge sukh-zaad

piyaa baaj pyaalaa piyaa jaae naa
piyaa baaj yak-til jiyaa jaae naa

main na jaanun kaaba-o-but-khaana-o-mai-khaana kuun
dekhtaa huun har kahaan dasta hai tuj mukh kaa safaa

mohabbat ki sultaani hai sab jagat mein
ki is sam nahin koi gyaani-o-daani