nabi sadqe kutub shah dil mein kiitaa — Quli Qutub Shah

karein taaqat ganvaa kar aabidaan mai-khaana kuun sajda
kyaa zunnaar mein tasbih dekhan ru-e-zebaaraa

piyaa ki yaad suun piitaa huun main mai
hamaaraa haal kyaa jaaneinge sukh-zaad

piyaa baaj pyaalaa piyaa jaae naa
piyaa baaj yak-til jiyaa jaae naa

'qutub' shah na de muj divaane ko pand
divaane kuun kuch pand diyaa jaae naa

main na jaanun kaaba-o-but-khaana-o-mai-khaana kuun
dekhtaa huun har kahaan dasta hai tuj mukh kaa safaa

mohabbat ki sultaani hai sab jagat mein
ki is sam nahin koi gyaani-o-daani

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

roz-e-jazaa gila to kyaa shukr-e-sitam hi ban paDaa
haae ki dil ke dard ne dard ko dil banaa diyaa

raas aane lagi duniyaa to kahaa dil ne ki jaa
ab tujhe dard ki daulat nahin milne vaali