ek majzub udaasi mere andar gum hai — Rafi Raza

kis ne rokaa hai sar-e-raah-e-mohabbat tum ko
tumhein nafrat hai to nafrat se tum aao jaao

agarche vaqt munaajaat karne vaalaa thaa
miraa mizaaj savaalaat karne vaalaa thaa

dhuup chhaanv kaa koi khel hai binaai bhi
aankh ko DhunD ke laayaa huun to manzar gum hai

main saamne se uThaa aur lau larazne lagi
charaagh jaise koi baat karne vaalaa thaa

paDaa huaa huun main sajde mein kah nahin paataa
vo baat jis se ki halkaa ho kuchh zabaan kaa bojh

tu khud apni misaal hai vo to hai
isi apni misaal mein mujhe mil

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

kahiye aaina-e-sad-fasl-e-bahaaraan tujh ko
kitne phulon ki mahak hai tire pairaahan mein

ashkon ke guhar bhi to nahin paas mire ab
main soch rahi huun gham-e-dauraan tujhe kyaa duun