zindagi kahte hain kis ko maut kis kaa naam hai — Rasheed Lakhnavi

siye jaate hain kafan aap ke divaanon ke
taar daaman ke hain TukDe hain garebaanon ke

— Rasheed Lakhnavi

sabhon ki aa gai piiri jo tum javaan hue
zamin kaa dil huaa miTTi kham aasmaan hue

— Rasheed Lakhnavi

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

— Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

— Rasheed Lakhnavi

hans hans ke kah rahaa hai jalaanaa savaab hai
zaalim ye meraa dil hai charaagh-e-haram nahin

— Rasheed Lakhnavi

gae the hazrat-e-zaahid to zard thaa chehra
sharaab-khaane se nikle to surkh-ru nikle

— Rasheed Lakhnavi

kam-umri mein sunet hain
mar jaate hain achchhe log

— Malikzada Javed

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam