sabhon ki aa gai piiri jo tum javaan hue — Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

hans hans ke kah rahaa hai jalaanaa savaab hai
zaalim ye meraa dil hai charaagh-e-haram nahin

gae the hazrat-e-zaahid to zard thaa chehra
sharaab-khaane se nikle to surkh-ru nikle

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

taDap taDap ke tamannaa mein karvaTein badlin
na paayaa dil ne hamaare qaraar saari raat

dil na dete use to kyaa karte
ai 'asar' dukh hamein uThaanaa thaa

banaate hain hazaaron zakhm-e-khandaan khanjar-e-gham se
dil-e-naashaad ko ham is tarah pur-shaad karte hain

hain dair-o-haram mein to bhare shaikh-o-barahman
juz khaana-e-dil kijiye phir qasd kidhar kaa